Parisdə terror həyəcanı: 2 min sərnişin təxliyə edildi

Fransanın paytaxtı Parisin Şarl de Qoll hava limanının 2F terminalındakı 2 minə qədər sərnişin terror xəbərdarlığı səbəbindən təxliyə edilib. Avtosfer.az axar.az-a istinadən xəbər verir ki, şəxslərdən birinin təhlükəsizlik yoxlanışını keçmədən terminala daxil olması səbəbindən həyəcan siqnalı verilib. Sözügedən şəxsin uzun müddət tapılmaması isə hüquq-mühafizə orqanlarının sərnişinləri təxliyə etməsinə səbəb olub. 20-yə yaxın reysin təxirə salındığı bildirilib.