Parkinqin neçə dəqiqəsi pulsuzdur? – Qiymətlər

Bakı Beynəlxalq Avtovağzalında avtomobillərin park edilməsinin ilk 20 dəqiqəsi pulsuzdur. Avtosfer.az xəbər verir ki, bu sözləri axar.az-a Bakı Beynəlxalq Avtovağzalın mətbuat xidmətinin rəhbəri Yaşar İsakov bildirib. Onun sözlərinə görə, Avtovağzalın giriş hissələrində bunu əks etdirən cədvəl də əks olunub: “Artıq xeyli müddətdir ki, Avtovağzalın əsas girişində müasir ödəniş qurğuları quraşdırılıb. Parkinqə daxil olan nəqliyyat vasitələri ilk 20 dəqiqə ödənişsiz dayanır. Artıq dayandıqda isə vaxta görə ödəniş edilir.

20 dəqiqədən 2 saatadək – 1 manat

2 saatdan 3 saatadək – 2 manat

3 saatdan 6 saatadək – 3 manat

6 saatdan 24 saatadək – 4 manat”.

Qeyd edək ki, bundan öncə parkinqin ilk dəqiqəsindən pul hesablanırdı.

Avtosfer.az bildirir ki, "Yol hərəkəti haqqında" qanuna edilən son dəyişikliyə görə Azərbaycanda bütün parkinqlərin ilk 15 dəqiqəsi pulsuzdur.