Paytaxt yollarında sürət həddi endirildi

Bakının əsas magistral avtomobil yollarında nəqliyyat vasitələri üçün müəyyən edilmiş sürət həddi 20 km/saat qədər endirilib. Avtosfer.az xəbər verir ki, bu barədə Bakı Nəqliyyat Agentliyinin İctimai əlaqələr və maarifləndirmə şöbəsinin məlumat yayıb. Bildirilir ki, bu addım Bakıda müşahidə edilən faktiki hava şəraiti ilə əlaqədar atılıb.

Həmçinin Bakı Nəqliyyat Agentliyi sürücülərə tövsiyə edir ki, meteoroloji vəziyyəti nəzərə alaraq avtonəqliyyat vasitələrini ehtiyatla idarə etsinlər. 

Ümumilikdə isə məlum qarlı və şaxtalı hava şəraitinin davam etdiyi günlərdə ictimai nəqliyyatdan istifadəyə üstünlük verilməsi məqsədə uyğundur.

Nəqliyyat Agentliyindən verilən məlumata görə, axşama doğru yollarda buzlaşma olarsa, sürət həddi daha 20 km/saat qədər endirilə bilər.