Paytaxtda avtomobil benzini və dizel yanacağının istehsalı artıb

2018-ci ilin yanvar ayında Bakıda neft məhsullarının istehsalı sahəsində istehsalın ümumi dəyəri 216,8 milyon manat olmaqla əvvəlki ilin eyni ayı ilə müqayisədə sabit qiymətlərlə 1,2 faiz azalıb. Bakı Şəhər Statistika İdarəsindən Avtosfer.az-a bildirilib ki, cari ilin ilk ayında neft məhsullarından neft-kimya sənayesində istifadə üçün benzinin istehsalı 6,2 faiz, ağ neftin 11,7 faiz, yanacaq mazutunun istehsalı 30,1 faiz azalıb. Avtomobil benzini, dizel yanacağı, sürtgü yağları, neft bitumu və neft koksunun istehsalı isə artıb.