Paytaxtdakı MTK aylardır sakinləri aldadıb mənzillərin çıxarışını vermir – ŞİKAYƏT

Bakı şəhəri, Xətai rayonu, məhəllə 2966, Cavanşir 6 ünvanında yerləşən “Mək-an” MMM-yə məxsus çoxmərtəbəli “Nargilə Residence” yaşayış kompleksində çıxarış problemi illərdir davam edir. 2021-ci ildən rəsmi olaraq yaşayışa icazə verilsə də sakinlər hələ də mənzillərə çıxarış ala bilmədiklərini bildirirlər.

Avtosfer.az xəbər verir ki, sakinlərə uzun müddətdir müxtəlif vədlər verilir. “1 ay gözləyin”, “2 aya hazır olacaq” kimi sözlərə baxmayaraq, proses illərdir uzadılır. Bu isə kompleksdə yaşayan yüzlərlə ailənin narazılığına səbəb olub.

Şikayətlərlə bağlı şirkətlə əlaqə saxladıq. “Mək-an” MMM-dən Avtosfer.az-a bildirilib ki, sənədləşmə prosesi hazırda davam edir və çıxarışların yaxın günlərdə sakinlərə təqdim olunacağı gözlənilir. Şirkət nümayəndələri sənədlərin verilməsinin gecikməsini texniki prosedurlarla izah edib və problemin həll olunacağına dair söz veriblər.
Sakinlər isə uzun illərdir gecikən vədlərin artıq inamı azaltdığını, bu dəfə real nəticə gözlədiklərini deyirlər.

Eltac Zülfüqaroğlu