Peterburqda metroda terror aktı ilə əlaqədar 6 nəfər həbs edilib

Peterburqda metroda törədilən terror aktı ilə əlaqədar 6 nəfər həbs edilib. Avtosfer.az-ın APA-ya istinadən verdiyi xəbərə görə, bu barədə Sankt-Peterburqun Nevskiy rayon məhkəməsi bu gün qərar çıxarıb. Bunlar Seyfula Xakimov, İbrahimjon Yermatov, Dilmurod Muidinov, Bəhram Yerqaşev, Azamjon Mahmudov, Məhəmmədyusuf Mirzalimov, Şohistə Kərimova və Sodiq Ortikovdur. Saxlanılanların evlərinə baxış zamanı “Ploşad Vosstaniya” stansiyasında aşkarlanan partlayıcı qurğu ilə analoji partlayıcı qurğu aşkarlanıb.  Xatırladaq ki,  Sankt Peterburq metropolitenində aprelin 3-də törədilən partlayış nəticəsində 14 nəfər ölüb. Partlayış Qırğızıstan əsilli Akbarjon Cəlilov tərəfindən həyata keçirilib.