Pirşağıdakı avtomobil körpüsünün təmirinə başlanılır

Bakının Sabunçu rayonunun Pirşağı qəsəbəsinin girişində yerləşən və dəmir yolu üzərindən keçən avtomobil körpüsündə sabah səhər saatlarından etibarən asfalt-beton örtüyünün yenilənməsi ilə əlaqədar olaraq təmir işlərinə başlanılacaq.

Avtosfer.az xəbər verir ki, bu barədə “Azəravtoyol” ASC-nin açıqlamasında bildirilir.

Məlumatda deyilir ki, təmir işləri ilə əlaqədar olaraq sözügedən körpü ilə avtonəqliyyat vasitələrinin hərəkəti qismən məhdudlaşdırılacaq. İşlərin qısa müddət ərzində aparılaraq yekunlaşdırılması nəzərdə tutulub.

"Azəravtoyol" yarana biləcək narahatlığa görə vətəndaşlardan öncədən üzr istəyir. Qeyd edək ki, sözügedən körpü Novxanı-Pirşağı avtomobil yolunda aparılan yenidənqurma işləri çərçivəsində təmir olunur.