Piyada zolağı silinib, nişan da yoxdur - TƏHLÜKƏ - VİDEO

Avtobusdan düşüb piyada zolağından keçmək istəyən piyadalar təhlükə ilə üz-üzə qalır. Səbəb yolda piyada zolağının silinməsi və piyada keçidinin olduğunu bildirən nişanın olmamasıdır. Paytaxtın Binəqədi rayonu Süleyman Sani Axundov küçəsində daha dəqiqi köhnə ''İnqilab'' kinoteatrının qarşısındakı yolda olan piyada keçidindən vətəndaşlar keçməkdə çətinlik çəkirlər. Zolağın silinməsi sürücü və piyadalar arasında mübahisəyə səbəb olur. Çünki sürücülər hərəkətdə olarkən zolağı görmədiyindən oradan keçən piyadalara yol vermir. Nəticədə də qəza şəraiti yaranır. Ərazidə dayanacaq olduğundan bu keçiddən piyadalar daha çox istifadə edir.

Məsələ ilə bağlı Bakı şəhər dövlət yol polisi idarəsinin bölmə rəisi Vaqif Əsədov əraziyə baxış keçiriləcəyini bildirdi.