Piyadanı öldürən avtobus sürücüsünə AĞIR CƏZA

Bu gün Bakı Ağır Cinayətlər Məhkəməsində ölümlə nəticələn ağır yol nəqliyyat hadisəsi törətməkdə təqsirləndirilən Sərxan Bağırovun cinayət işi üzrə məhkəməsi başa çatıb. Lent.az-ın məlumatına görə, hakim Mayıl Baramovun sədrliyi ilə keçirilən prosesdə hökm oxunub. Hakimlər kollegiyasının hokum ilə S.Bağırov 8 il müddətinə azadlıqdan məhrum edilib.

Qeyd edək ki, hadisə 2015-ci ilin iyul ayında Xanlar Ələkbərov küçəsi-25-in qarşısında baş verib. Bakı şəhər sakini, 1993-cü il təvəllüdlü Bağırov Sərxan Elxan oğlu idarə etdiyi “İSUZU” markalı, 90-TV- 785 dövlət nömrə nişanlı 213 saylı xətt üzrə hərəkət edən avtobusla piyada 1958-ci il təvəllüdlü Tamella Murtuz qızı Babayevanı vurub. Piyada 3 saylı şəhər Klinik Xəstəxanasında dünyasını dəyişib. Həyata keçirilən əməliyyat axtarış tədbirləri nəticəsində yol qəzasını törədən sürücü S.Bağırov tutulub.