Piyadanın ölümünə səbəb olan avtobus sürücüsünə höküm oxundu

Bakı Ağır Cinayətlər Məhkəməsində ölümlə nəticələnən yol-nəqliyyat hadisəsi törətməkdə təqsirləndirilən Şahbəddin Məsimovun cinayət işi üzrə məhkəmə prosesi başa çatıb. Avtosfer.az-ın APA-ya istinadən xəbərinə görə, hakim Fikrət Qəribovun sədrliyi ilə keçirilən prosesdə hökm oxunub. Hökmə əsasən, Ş.Məsimov 7 il müddətinə azadlıqdan məhrum edilib. Qeyd edək ki, bu yanvarın 13-də Xətai rayonunun G.Mehmandarov küçəsində Bakı şəhər sakini Şahbəddin Məsimov 40 saylı marşrut xətti üzrə idarə etdiyi "Daevoo" markalı avtobusla yolu keçən paytaxt sakinləri Maşallah Məmmədovu və qardaşı Namiqi Məmmədovu vurub. Xəsarət alan N. Məmmədov yanvarın 29-da evində ölüb.