Polis avtomobilini partlatmağa cəhd etdilər

Dağıstanda naməlum şəxslər polis avtomobilini partlatmağa cəhd edib. APA-nın RİA Novosti agentliyinə istinadən verdiyi məlumata görə, insident Mahacqala yaxınlığındakı Yeni Huşet qəsəbəsində qeydə alınıb. Partlayıcı qurğu polis avtomobili keçdiyi zaman işə düşüb. Zərərçəkən olmayıb. Faktla bağlı araşdırmalara başlanılıb.