Polis maşını yandırılıdı - İrəvanda

İrəvanda polis post patrul xidməti polkunun binasını ələ keçirən silahlı qrup daha bir polis avtomobilini yandırıb. Avtosfer.az trend-ə istinadən bildirir ki, bunu Ermənistan polisinin mətbuat katibi Aşot Aqaronyan deyib. O, Feysbuk səhifəsində yazıb: ""Samand" markalı daha bir post patrul xidməti avtomobili silahlılar tərəfindən yandırılıb".

Qeyd edək ki, iyulun 25-i gecə silahlılar polisə məxsus "Chevrolet" markalı avtobus və bir minik maşınını yandırıblar. Bundan əvvəl isə polisə məxsus "Qazel" markalı mikroavtobusa od vurmuşdular.