Polis “Qəbələ”nin futbolçusunu aeroportda saxladı

Avropa Liqasının qrup mərhələsinin son turunda “Maynts”la qarşılaşan “Qəbələ”nin futbolçusu Teo Uiks Almaniyaya səfər zamanı problemlə üzləşib. Avtosfer.az “qafqazinfo”-ya istinadən xəbər verir ki, buna səbəb "qırmızı-qaralar"ın legionerinin Portuqaliyadan aldığı oturum icazəsinin müddətinin bitməsi olub. 4 dekabr tarixinə qədər oturum icazəsi olan liberiyalı yerli polis tərəfindən saxlanılıb. Daha sonra isə məsələ öz müsbət həllini tapıb. Sonradan futbolçuya 3 günlük Almaniya vizası verilib. Məlumatı klubdan da təsdiqləyiblər.