Polisə yalan məlumat verən şəxs məhkəmə zalından azadlığa buraxılıb

Bu gün Bakı Ağır Cinayətlər Məhkəməsində bilə-bilə yalan məlumat verməkdə təqsirləndirilən Ruslan Abışovun cinayət ili üzrə məhkəmə prosesi başa çatıb. Avtosfer.az apa-ya istinadən xəbər verir ki, hakim Cavid Hüseynovun sədrliyi ilə keçirilən prosesdə hökm oxunub. Hökmə əsasən, R.Abışov barəsində 2 il sınaq müddəti təyin edilməklə, şərti cəza seçilib və o, məhkəmə zalından azadlığa buraxılıb.  Qeyd edək ki, R. Abışov soyğunçuluğa məruz qalması ilə bağlı polisə yalan məlumat verməkdə ittiham olunur. O, tanımadığı şəxsin ona bıçaqla hədə-qorxu gələrək, pulunu əlindən aldığını deyib.