Polisin saxladığı motosikletdən döl çıxdı – FOTO

Yol polisinin saxladığı motosikletdən 3 aylıq döl çıxıb. Avtosfer.az 1xəbər.com-a istinadən xəbər verir ki, hadisə Türkiyənin Qaziantəp şəhərində baş verib.

Dölün tapıldığı motosikletdə olan şəxslərdən ikisi qadın, biri kişi olub. Polisin apardığı istintaq zamanı dölün soyuducuda saxlandığı, basdırmaq üçün aparıldığı məlum olub. 

Məlumata görə, dindirlən şəxslərdən ikisi hadisə ilə əlaqəsi olmadığı üçün sərbəst buraxılıb. Dölü saldığı iddia edilən 26 yaşlı A.D. isə nəzarətə alınıb. 

Onun dindirilməsi zamanı məlum olub ki, 26 yaşlı qadın evli və hazırda həbsxanada olan şəxsdən hamilə qalıb. Uşaq düşdükdən sonra isə hamilə qaldığı şəxsin həyat yoldaşına zəng vuraraq kömək istəyib: "Qadına zəng vurdum, ərindən hamilə qaldığımı, indi isə uşağı saldığımı dedim və basdırmaq üçün kömək istədim. Basdırmağa apararkən isə bizi polis saxladı".