Polislər yol kənarından 5 kiloqram heroin aşkar etdi - Biləsuvarda

Biləsuvar rayonunda yol kənarında polis əməkdaşları 5 kiloqrama yaxın heroin aşkar edib. Avtosfer.az-ın "Report"a istinadən məlumatına görə, Biləsuvar Rayon Polis Şöbəsinin (RPŞ) Səmədabad Polis Bölməsinin (PB) əməkdaşları Biləsuvar-Cəlilabad yolunda 4,6 kiloqram narkotik vasitə olan heroin aşkar ediblər. Narkotik vasitənin İran İslam Respublikasından qaçaqmal yolu ilə Azərbaycana keçirilməsi ehtimal edilir. Faktla bağlı Biləsuvar RPŞ-də araşdırmalara başlanılıb.