Polislərin şikayətinə rəsmi CAVAB

Avtosfer.az xəbər verir ki, bu barədə ötən gün qaynarinfo.az-a polis əməkdaşları olduqlarını bildirən Zaur Quliyev, Emin Həsənov Daxili İşlər naziri Ramil Usubova şikayət məktubu ilə müraciət etmişdi. 

Müraciətdə Baş Mühafizə İdarəsinin Nəsimi rayon Mühafizə İdarəsinin rəisi Elçin Bəşirovun qanunsuz əməllərindən şikayət edilirdi. 

Məsələ ilə bağlı DİN-dən müraciətlə bağlı reaksiya gəldi. 

DİN-nin mətbuat xidmətinin şöbə rəisi Orxan Mansurzadə açıqlamasında bildirdi ki, Nəsimi Rayon Mühafizə Polisi İdarəsinin rəhbərliyi barədə müraciətdə yer alan iddialar əsassızdır və sözügedən idarənin əməkdaşları kimi özlərini təqdim edən Zaur Quliyev və Emin Həsənov adlı əməkdaş idarədə çalışmır. Və bu da həmin müraciətin anonim və əsassız olduğunu göstərir.