Pomidor yüklü 39 vaqon, 113 yük maşın yola salınıb - Son üç gündə
Xəbər verildiyi kimi, Azərbaycanda istehsal olunun kənd təsərrüfatı məhsullarının Rusiyaya ixracı zamanı yaranan problemlər tam aradan qaldırılıb. Dövlət Gömrük Komitəsinin (DGK) Mətbuat Xidmətindən Avtosfer.az verilən məlumata görə, fermerlərin və sahibkarların problemlərini aradan qaldırmaq məqsədilə qurum rəhbərliyinin Rusiyanın Federal Gömrük Xidməti ilə apardığı müzakirələrdən sonra artıq problem öz həllini tapıb.
Belə ki, son üç gündə - 11, 12 və 13 iyun tarixlərində Azərbaycanda istehsal edilən müxtəlif kənd təsərrüfatı məhsulları, əsasən də pomidor yüklü 39 vaqon, 113 yük maşını maneəsiz şəkildə Rusiyaya yola salınıb.
Tərəflər arasında razılıq əldə edildikdən sonra Azərbaycan mənşəli kənd təsərrüfatı məhsullarının geri qaytarılması və ya sərhəddə yubadılması halları müşahidə olunmur.