Prezidentin fərmanı yerinə yetirilmir - İcra nümayəndəsi saytın adını eşidib telefonu söndürdü - ARAŞDIRMA

Ölkə başçısı İlham Əliyevin 22 iyun 2022-ci ildə verdiyi fərmana əsasən, Buzovnada çimərlik ərazilərinin hasarlanmasının qarşısı alındı. Lakin Prezidentin fərmanının digər hissəsi ilə bağlı tələblər yerinə yetirilmir.
Avtosfer.az xəbər verir ki, Xəzər rayonu Buzovna qəsəbəsi ərazisində yerləşən və “təbiət abidəsi” olaraq bilinən Buzovna qayalığı 20 ilə yaxın müddətdir ki, məmurlar və sahibkarlar tərəfindən zəbt edilib.
Ekologiya və Təbii Sərvətlər Nazirliyi tərəfindən qayalığa təbiət abidəsi statusu 2 may tarixli sərəncamla ilə verilib. Həmçinin qayalıq ərazi dövlət təbiət abidələrinin siyahısına daxil edilib.
Bundan sonrakı işlərin (abidənin mühafizəsi, bərpası və istifadəsi üzrə nəzarət və s.) icrası üçün nazirliyin Bakı şəhəri üzrə regional idarəsi ilə Xəzər Rayon İcra Hakimiyyəti arasında müqavilə imzalanmalıdır. Amma rayon icra hakimiyyəti müqavilənin imzalanmasını yubadır, bundan imtina edir.
Bir neçə gün əvvəl Buzovna Qayalığı Dövlət Təbiət Abidəsi ərazisində məlumat lövhəsi və davranış qaydalarına dair nişanlar yerləşdirilib.
Məlumat lövhəsində qayalığın iki hissədən ibarət olduğu göstərilib. 1-ci hissədə qayaların ləpədöyəndə, 2-ci hissədə isə quru sahəsində yerləşdiyi qeyd edilib. Ləpədöyən hissənin uzunluğu 1305 metr, quru sahəsi isə 4,7 hektardır.
Buzovna sakinləri deyir ki, lövhələri Ekologiya və Təbii Sərvətlər Nazirliyi hazırlayıb, sakinlər və yerli icra nümayəndəliyinin işçiləri quraşdırıblar. Ərazidə cəmi 15 lövhə yerləşdirilib.

Buzovna qayalığının üzərindəki restoranların təbiət abidəsinə vurduğu ziyana gəlincə, Ekologiya və Təbii Sərvətlər Nazirliyindən başqa heç bir qurum məsələnin həlli istiqamətində addım atmır.
Məsələ ilə bağlı Xəzər Rayon İcra Hakimiyyəti ilə əlaqə saxlamağa çalışsaq da saytımızın adını eşidən icra nümayəndəsi Gülbala Qurbanov telefon zəngini üzümüzə bağladı, daha sonra isə heç bir halda zənglərimizə cavab vermədi.

Məsələnin öz həllini tapması üçün mövzunu aktual saxlayacaq, qurumlardan mövqe aldığımız təqdirdə məlumatları yeniləcəyik.
Səfər
Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












