Prospektin bu hissəsində piyada nişanı var, amma zolaq yoxdur.. - VİDEO

Gəncə prospektinin “Xətai Park” yaşayış kompleksindən keçən hissəsində piyadaların təhlükəsiz hərəkət etməsi üçün zolaq yoxdur. 
Mövcud olan problemlə bağlı izləyici Avtosfer.az-a məlumat verərək videomaterial göndərib. 
Görüntüdən aydın olduğu kimi, nəqliyyat vasitələrinin sıx olduğu yolda piyada keçidi xəbərdarlıq nişanı qoyulsa da, zolaq çəkilməyib. Nəticədə yolu keçmək istəyən piyadalar çətinlik yaşayır və qəza riski ilə üzləşir. Həmçinin zolağın olmaması sürücüləri də ciddi şəkildə təhlükəyə atır. 
Belə ki, yoldan istifadə edən sürücülər bəzən qoyulan nişanlara fikir vermədən hərəkət edirlər. Bu da piyadavurma hallarının baş verməsinə gətirib çıxara bilər.
Saytımız tərəfindən işıqlandırılan problemin tez zamanda aidiyyəti qurum tərəfindən aradan qaldırılacağına ümid edirik.

Nərmin