Psixoloq uşağı döydü - Bakıda

Azərbaycanda oğlan övladının qız oyuncaqlarına meyilli olduğunu görən valideynlər onu psixoloqa aparıblar. Psixoloq isə elə valideynlərinin gözləri qarşısındaca uşağı döyüb. Avtosfer.az istipress-ə istinadən xəbər verir ki, bu barədə psixoloq Xatirə Səfərova Facebook səhifəsində status paylaşıb. Hazırda uşağın onun yanına gətirildiyini deyən Xatirə Səfərova diqqəti savadsız psixoloqlara yönəldib. "Bir valideyn 5 yaşlı oğlunun qız oyuncaqlarına meylini görüb aparıb psixoloqa. Psixoloq isə valideynlərinin yanında uşağı vurub. Daha sonra məsləhət verib ki, uşağı hər gün döyün. Tapşırın ki, bir də qız oyuncaqları ilə oynasa döyüləcək. Aparın cudoya qoyun. Üzgüçülüyə qoymayın qız kimi fiqurası olar. Peçenye, şirniyyat yeməyə qoymayın. Homoseksuallar şirniyyata meyilli olur. Əlinə rəngli qələm almağa imkan verməyin ki, rəsmə meyli olsun". Psixoloq bildirib ki, uşaqları bu cür savadsız psixoloqların yanına aparmaq olmaz. Bu cür psixoloqlar yaxşıların adını batırır.