Pula ehtiyacı olan şəxs polisi aldatmaq istədi

Tovuz rayonunda polisə yalan məlumat verən şəxs ifşa edilib. Avtosfer.az Daxili İşlər Nazirliyinin saytına istinadən xəbər verir ki, sentyabrın 15-də Tovuz rayonunun Aşağı-Öysüzlü kənd sakini Elxan Həsənov RPŞ-yə müraciət edərək həmin gün naməlum 3 nəfər şəxs tərəfindən soyğunçuluq yolu ilə 60 manatının və qızıl üzüyünün alınmasını bildirib. E.Həsənov daha sonra izahatında pula ehtiyacı olduğu üçün qızıl üzüyünü 80 manata satdığını və polisə soyğunçuluq barədə yalan məlumat verməsini etiraf edib. Araşdırma aparılır.