Qadın Milli Qəhrəmanların üçüncüsü - FOTO

Qəzaya uğrayan AZAL təyyarəsinin uçuş heyətinin 3 üzvü Prezident İlham Əliyevin 29 dekabr tarixli Sərəncamı ilə Azərbaycan Milli Qəhrəmanı adına layiq görüldü. Onların içərisində bir qadın da yer alırdı: stüardessa Hökumə Əliyeva.
Avtosfer.az xəbər verir ki, Hökumə Azərbaycan Milli Qəhrəmanı adına layiq görülmüş üçüncü qadındır. Bu ali mükafatla təltif edilən ilk qadın Salatın Əsgərova olub. “Molodyoj Azerbaydjana” qəzetinin müxbiri olan Salatın 1991-ci ildə peşə borcunu yerinə yetirən zaman Laçın rayonunda ermənilər tərəfindən şəhid edilib. O, Azərbaycan Respublikasının Prezidenti Əbülfəz Elçibəyin 294 saylı 6 noyabr 1992-ci il tarixli fərmanı ilə ölümündən sonra Azərbaycanın Milli Qəhrəmanı adına layiq görülüb.
Bu yüksək ada layiq görülən ikinci qadın isə Tibb Universitetinin məzunu Gültəkin Əsgərova oldu. O da yaralı əsgərlərə tibbi yardım edərkən 1992-ci ildə şəhidlik zirvəsinə ucalıb. Bir il sonra isə Azərbaycanın Milli Qəhrəmanı adına layiq görülüb.
Nəhayət, bu adı daşıyan sonuncu qadın AZAL-ın stüardessası Hökumə Əliyeva oldu. Salatın və Gültəkinin qəhrəmanlıqları barədə xaricdə deyil, hətta Azərbaycanın özündə də insanlar gec və qıt şəkildə məlumat əldə etdilər ki, bu da başadüşüləndir. Ölkəmiz həmin dövrdə informasiya blokadasında idi.
Hökumənin qəhrəmanlığını, ölümün gözünə dik baxmağını, ən ağır anlarda belə təmkinini pozmamasını bütün dünya gördü.
Bu bəlkə bir təsadüf, bəlkə də bir zərurətdir ki, o, Salatının şəhid edildiyi ildə dünyaya göz açıb. Bunun adı bir ölüb, min dirilməkdir.
Dahi Nizaminin “İsgəndərnamə”sində Azərbaycan hökmdarı Nüşabə dünyanı lərzəyə salan Makedoniyalı İsgəndərə belə deyir:
“Mən də bir aslanam, düşünsən bir az, Aslanın erkəyi, dişisi olmaz”.
Azərbaycan qadını bütün ağır dövrlərdə şeyx Nizamini haqlı çıxarıb.
Vüqar



Orta Dəhlizin inkişafı Azərbaycanın tranzit imkanlarını necə dəyişəcək? – AÇIQLAMA
Ölkənin nəqliyyat sistemi növbəti yağışlara necə hazırlaşmalıdır? - AÇIQLAMA
Gürcüstanda avtomobil rüsumları artırılır: Azərbaycan bazarına təsiri necə olacaq? - AÇIQLAMA
Təcili yardımın arxası ilə gedən sürücülərə DİN-dən XƏBƏRDARLIQ - VİDEO
Səkilərdə piyadaların maneəsiz hərəkəti necə təmin edilməlidir? – TƏKLİF
Bu yollarda tıxac var - Sürücülərin NƏZƏRİNƏ!
İlham Əliyev Gürcüstanın baş nazirinin müavinini qəbul edib - FOTO
“Bədr müqaviləsi” ABŞ-ın hərbi sənaye bazarındakı mövqelərini zəiflədə bilər – POLİTOLOQ
Prezident Özbəkistanla iki sənədi təsdiqlədi
Dumanlı havada bu işıqları yandırmaq təhlükəlidir – XƏBƏRDARLIQ
Dağ yollarında avtobuslara məhdudiyyət qoyulmalıdırmı? – EKSPERT AÇIQLADI












