Qaradağda qəzada xəsarət alan şəxs xəstəxanada ölüb

Bakının Qaradağ rayonunda baş vermiş qəzada xəsarət alan şəxs xəstəxanada ölüb. Avtosfer.az-ın Daxili İşlər Nazirliyinin (DİN) saytına istinadən verdiyi xəbərə görə, avqustun 11-də Qaradağ rayonunun Sahil qəsəbəsi ərazisində qəsəbə sakinləri Razi Əliyevin idarə etdiyi “Shacman” və Elvin Məmmədovun idarə etdiyi “VAZ-2107” markalı avtomobillər toqquşub. Qəza nəticəsində E. Məmmədov xəsarət alıb. O avqustun 13-də yerləşdirildiyi xəstəxanada ölüb. Faktla bağlı Qaradağ Rayon Polis İdarəsi tərəfindən araşdırma aparılır.