"Qatar Airways”in təyyarəsi Buxarestdə məcburi eniş etdi

"Qatar Airways" aviaşirkətinə məxsus "Boeing 787" tipli təyyarə Buxarestdə Otopen hava limanında təcili eniş edib.

Avtosfer.az modern.az-a istinadən bildirir ki, Oslodan Dohaya gedən təyyarə mühərrikdə yaranmış problemə görə məcburi eniş edib. Oslo-Doha istiqamətində hərəkət edən "Boeing 787 Dreamliner" təyyarəsinin göyərtəsində ekipaj üzvləri ilə birgə 260 sərnişin olub. Onlar gedəcəkləri ölkəyə başqa reyslə göndəriləcəklər.
 
Hazırda təyyarədə texniki heyət çalışır.