Qatarın üstünə çıxaraq naqil oğurlamaq istəyən yeniyetməni cərəyan vurub

Bakının Suraxanı rayonunda oğurluq zamanı bədbəxt hadisə baş verib. Avtosfer.az-ın "Report"a istinadən xəbərinə görə, rels üzərində hərəkətsiz qalan qatar vaqonlarının üzərinə çıxan 15 yaşlı Balaxan Ağayev oradakı elektrik naqillərini kəsmək istəyib. Bu zaman cərəyan onu vuraraq yerə atıb. Yaralı ağır vəziyyətdə 3 saylı Kliniki Tibbi Mərkəzə yerləşdirilib. Faktla bağlı Suraxanı Rayon Polis İdarəsində araşdırma aparılır.