Qayda pozan deputatın kimliyi ilə bağlı yalan məlumat yaydılar
Gündəm
22 Sentyabr 2016 00:16
Oxunub 1676
Həmin hadisənin Musa Qasımlı ilə heç bir əlaqəsi yoxdur
Bir neçə gün əvvəl Bakıda yol hərəkəti qaydalarını pozduğu üçün cərimə olunan deputatla bağlı məlumat yaymışdıq. Bildirmişdik ki, Milli Məclisdə müxalifəti təmsil edən millət vəkillərindən biri idarə etdiyi «Prado» markalı avtomobili Hüseyn Cavid prospektində avtobus dayanacağında park edib. Buna görə də, yol polisi həmin avtomobilin şəklini çəkərək 40 manat cərimə yazıb. Deputat isə bundan hiddətlənərək polisi cəzalandıracağını bildirib.
Bu gün bəzi saytlar həmin deputatın professor Musa Qasımlı olması barədə məlumat yayıb. Lakin Avtosfer.az saytı bildirir ki, həmin hadisənin Musa Qasımlı ilə heç bir əlaqəsi yoxdur. Birincisi, Musa Qasımlı «Prado» yox, «Chevrolet» markalı avtomobildən istifadə edir. İkincisi isə onun heç bir siyasi partiya ilə bağlığı yoxdur.
Həmin saytların diqqətinə çatdırırıq ki, Avtosfer.az saytına istinadən cəfəngiyyat yaymaq etik qaydalara sığmır. Çünki Avtosfer.az-ın yazdığı məlumatda qayda pozan millət vəkilinin adı açıqlanmayıb.
ŞƏRH YAZ
