Qayıqda köməksiz qalan 5 nəfər xilas edildi - Mingəçevirdə

Fövqəladə Hallar Nazirliyinin Böhran Vəziyyətlərində İdarəetmə Mərkəzinə Mingəçevir şəhərində 5 nəfərin Mingəçevir su anbarı ərazisində qayıqda köməksiz vəziyyətdə qalması barədə məlumat daxil olub. Avtosfer.az-a FHN-dən verilən məlumata görə, Dərhal Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb olunub. Vətəndaşlara müvafiq köməklik göstərilib. Əməliyyat saat 12:10-da başa çatıb.