"QAZ 66"-dan erməni hərbçisinin meyiti tapıldı

Ermənistan ordusu  ötən gecə daha bir hərbçisinin öldüyü barədə açıqlama yayıb. Avtosfer.az xəbər verir ki, bu barədə musavat.com erməni mətbuatına istinadən yaydığı məlumata görə, ölən hərbçi müddətdən artıq xidmət edən Ovanes Petrosyandır. Hərbçinin baş nahiyəsindən güllə yarası almış meyiti 25 aprel, saat 20.25-də döyüş bölgəsindəki hərbi hissələrdən birində aşkarlanıb. Ancaq nədənsə onun hansı istiqamətdə öldüyü konkret açıqlanmayıb. Məlumatda o da deyilir ki, erməni hərbçinin meyiti "QAZ 66" markalı maşının yük yerində aşkar edilib. Faktla bağlı cinayət işi qaldırılıb. 

Hər halda düşmən təbliğatı ölümün səbəbkarı kimi Azərbaycan tərəfini günahlandırıb hay-küy salmırsa, demək burada daxili səbəblər var. Son günlər gərgin psixoloji sarsıntılar içərisində olan erməni hərbçilərin bir-birini güllələməsi hadisələri də artıb.