Qazaxıstanı Hindistanla səhv salan gənc reanimasiyaya getdi

Qazaxıstanda Kokşetau sakininin Astanaya elektrovozun üstündə getmək qərarı ona baha başa gəlib. Avtosfer.az-ın Trend-ə istinadən məlumatına görə, biletsiz səfər etmək istəyən 25 yaşlı gənci qatarın üstündə 29 min voltluq cərəyan vurub. Gəncin bədəninin 45 faizi termik yanıqlarla yanıb. O, dərhal xəstəxanaya çatdırılıb və həkimlərin səyi nəticəsində həyatda qalması mümkün olub. Biletsiz gedib qazanmaq istəyən Kokşetau sakini hazırda reanimasiya şöbəsindədir, vəziyyəti ağır qiymətləndirilir.