Qazaxıstanın 6 vətəndaşı Azərbaycana keçərək İrandan təxliyə olundu - FOTO - YENİLƏNİB

Qazaxıstanın altı vətəndaşı öz ölkəsinə qayıtması üçün Astara sərhəd-keçid məntəqəsindən Azərbaycana keçib.

Avtosfer.az "Report"a istinadən xəbər verir ki, İrandan təxliyə edilən xarici vətəndaşlara tibbi xidmət göstərilməsi üçün şərait yaradılıb, onlara səhər süfrəsi açılıb.

Evakuasiya prosesi davam edir.

***

Xarici vətəndaşların öz ölkələrinə qayıtmaları üçün Astara sərhəd-keçid məntəqəsindən keçmələrinə şərait yaradılıb.

Avtosfer.az "Report"a istinadən xəbər verir ki, bəzi xarici dövlətlər Azərbaycan hökumətinə İranda olan vətəndaşlarının təxliyəsi məqsədilə Azərbaycanın ərazisindən keçməklə öz ölkələrinə qayıtmalarına yardım göstərilməsi ilə bağlı müraciət ediblər.

Azərbaycan dövləti humanitar prinsipləri rəhbər tutaraq həmin şəxslərin təxliyəsi üçün sözügedən sərhəd-keçid məntəqəsindən keçmələrinə şərait yaradır.