Qədim gəminin qalıqları tapılıb - Sevastopolda

Krımın qədim Roma tarixi dövründə, indiki Sevastopol sahilində eramızın II-III əsrlərində batmış gəminin qalıqları Belbek çayının dibində arxeoloqlar tərəfindən sudan çıxarılıb. "Report" xəbər verir ki, bu barədə Rusiya Elmlər Akademiyasının Şərqşünaslıq İnstitutunun sualtı arxeoloji ekspedisiyasının başçısı Viktor Lebedinski TASS-a bildirib. Lebedinskinin sözlərinə görə, əməliyyatın gedişatında suyun dibindən iki lövbər və s. əşyalar çıxarılıb. Bu əşyalar eramızın II-III əsrinə aiddir. Bütün tapıntılar Sevastopol Dövlət Universitetinin Dəniz Tədqiqatları və Texnologiyalar Mərkəzinə aparılıb. Orada alimlər artefaktları öyrənəcəklər. Tədqiqatçılar aşkarlanmış hissələrin saxlanılması üçün xüsusi məhluldan istifadə edəcəklər.