Qəssabxana və avtoyuma məntəqələri SƏKİLƏRİ ÖZƏLLƏŞDİRİR - FOTO

Paytaxtda sahibkarların pozduğu qaydalar sonrasında həm piyadaların, həm də sürücülərin şəhərdə hərəkətinə ciddi problemlər yaranır.

Avtosfer.az xəbər verir ki, vətəndaşların ən çox xaos və qanun pozuntularının olduğu rayon kimi Yasamal məhz bu cür halların təkrarlanması ilə də məşhurlaşıb.

Belə ki, rayonun Məhəmməd Xiyabani küçəsindəki obyekt sahibləri müxtəlif lövhələrlə, eləcə də göstərdikləri xidmətlərlə ərazidə yaşayan sakinləri narazı salıb.

Piyadaların səkilərlə hərəkət etməsinə mane olmaq üçün bütün yollara əl atılıb. Sahibkarların bu cür qanunazidd əməllərinə görə sakinlər avtomobil yolu ilə hərəkət etməyə məcbur olur.

Ərazinin fotoları sosial şəbəkələrdə geniş müzakirələrə səbəb olub. Sakinlər aidiyyəti qurumların belə halların aradan qaldırılmasını xahiş edir.

Səfər