Qeyri-sabit hava şəraiti davam edəcək

“Sentyabrın 5-dən etibarən hava sabitləşəcək, yağışlar kəsəcək, temperatur yüksələcək”. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan Avtosfer.az-a verilən məlumata görə, hazırda ölkə ərazisində yağmurlu hava şəraiti müşahidə olunur:  “Bəzi yerlərdə yağışlar leysan xarakterli, intensivdir. Axşam bəzi ərazilərdə isə qar yağıb. Qeyri-sabit hava şəraiti sabah da davam edəcək”.

G.Məmmədova qeyri-sabit hava şəraitinin sentyabr ayının 5-dən etibarən düzələcəyini deyib. Onun sözlərinə görə, sentyabrın 5-i gündüz saatlarından havanın mülayimləşəcəyi və gün ərzində əsasən yağmursuz keçəcəyi gözlənilir: “Havanın temperaturu bu günlərlə müqayisədə tədricən yüksələcək”.