Qəza törədən sürücülər məhkəmə zalında həbs ediliblər
Gündəm
1 Fevral 2018 11:34
Oxunub 907
Məhkəmənin hökmü ilə hər iki şəxs 7 il müddətinə azadlıqdan məhrum edilib
Bakı Ağır Cinayətlər Məhkəməsində ölümlə nəticələn yol-nəqliyyat hadisəsi törətməkdə təqsirləndirilən Elşən Nağızadə və Nəriman Quliyevin cinayət işi üzrə məhkəmə iclası başa çatıb. Avtosfer.az-ın "Report"a istinadən xəbərinə görə, hakim Eldar Mikayılovun sədrliyi ilə keçirilən prosesdə hökm oxunub.
Məhkəmənin hökmü ilə hər iki şəxs 7 il müddətinə azadlıqdan məhrum edilib. Onlar məhkəmə zalında həbs olunublar.
Qeyd edək ki, hadisə ötən ilin avqustun 7-də saat 19:00 radələrində Xızı rayonunun Şuraabad kəndində baş verib. Kənd sakinləri N.Quliyevin və E.Nağızadənin idarə etdikləri "VAZ" markalı avtomobillər toqquşub.
Nəticədə hər iki sürücü, habelə N.Quliyevin sərnişini, həmkəndlisi Rəşad Bayramov, E.Nağızadənin isə 2 sərnişini xəstəxanaya yerləşdirilib, R.Bayramov orada ölüb.
Hər iki şəxsin barəsində istintaq dövründə həbs qətimkan tədbiri seçilməyib.
ŞƏRH YAZ
DİGƏR XƏBƏRLƏR
