Qəzada həyatını itirən bəyin toy dəvətnaməsi – FOTO+VİDEO

Qəzada həyatını itirən bəyin bu gün toyu olacaqdı. Avtosfer.az istipress-ə istinadən xəbər verir ki, dünən Astarada baş verən dəhşətli qəzada həyatını itirən Nicat Məmmədzadənin bu gün toy mərasimi baş tutacaqdı. Təəssüflər olsun ki, qəza nəticəsində Nicat Məmmədzadə aldığı xəsarətlər səbəbindən elə hadisə yerində dünyasını dəyişib.

Qeyd edək ki, 27 yaşlı Samir Məmmədzadənin idarə etdiyi “BMW” markalı avtomobil onun əmisi oğlu olan Astara şəhər sakini, 22 yaşlı NicatMəmmədzadənin idarə etdi “VAZ-2107” markalı minik maşını ilə toqquşub. Nəticədə “VAZ-2107”-nin sürücüsü Nicat Məmmədzadənin aldığı xəsarətləri ağır olduğundan, hadisə yerində dünyasını dəyişib, onun yanındakı sərnişin, Bakı şəhər sakini, 31 yaşlı Emil Həsənov və “BMW”-nin sürücüsü isə ağır vəziyyətdə Lənkəran Mərkəzi Rayon Xəstəxanasına yerləşdirilib.

Faktla bağlı Astara Rayon Polis Şöbəsində araşdırmalara başlanılıb.