Mərhum müğənni Aslan Hüseynovun atası “Elgizlə izlə” verilişində oğlunun ölümü barədə danışıb. Lent.az-ın məlumatına görə, ifaçının atası bu sözləri deyib: "İki universiteti bitirmişdi. O, rəhmətə gedəndə o yer qalmadı bizə zəng etməsin. Aslan çox yaxşı oğul idi. Gəldi ki, gedirəm Gəncəyə. Dedim ki, getmə, ana orda deyil. Getməyəcəm deyib, amma gecə durub gedib. Mən də xəstə idim, dedilər, Aslan qəza keçirib. Sən demə, onu dəfn belə ediblər. Hər gün deyirəm, Aslan hardadı, niyə zəng etmir. Axırda mənə dedilər ki, ata, Aslan ölüb".

 Qeyd edək ki, A.Hüseynov 1967-ci il mayın 17-də Qazaxıstanın Cambul vilayətində anadan olub, 2021-ci il mayın 4-də Azərbaycanda vəfat edib.