Qızıl oğurlayıb yol kənarında bastırdılar - FOTO

Oktyabrın 24-də Neftçala rayonunun Qaraqaşlı kənd sakini olan bir qadının evindən 5000 manat dəyərində qızıl-zinət əşyaları və 80 manat pul oğurlanıb. Avtosfer.az-ın DİN-ə istinadən verdiyi xəbərə görə, hadisəni törətməkdə şübhəli bilinən rayon sakinləri 17 yaşlı Murad Eyvazov və əmisi oğlu, 22 yaşlı Camal saxlanılıblar. Qohumlar cinayəti sahibinin evdə olmadığından istifadə edərək birgə törətdiklərini, evdən 13 adda qızıl-zinət əşyaları oğurladıqlarını etiraf ediblər. Ətraflarında aparılan tədbirlərlə onların oğurladıqları qızılları Qaraqaşlı kəndində yol kənarında basdırdıqları müəyyən edilib və həmin zinət əşyaları maddi sübut kimi götürülüb.

Faktla bağlı Neftçala RPŞ-də cinayət işi başlanılıb.

Fərid