Qobuda məktəbin yanında yol çöküb; qurumlardan səs-soraq yoxdur - VİDEO

Abşeron rayonununda sakinləri narahat edən yeni bir problem yaranıb.
Avtosfer.az xəbər verir ki, rayonun Qobu kəndidə uşaqların və avtomobillərin hər gün keçdiyi ərazidə asfalt 2 gün əvvəl gözlənilmədən çöküb. İlk baxışdan kiçik bir dəlik kimi görünən bu çökəkliyin altında, sanki torpaq yumşalaraq yolun bir hissəsini içəriyə çəkib.
Sakinlərin sözlərinə görə yaxınlıqda məktəb var və uşaqlar tez-tez həmin ərazidən istifadə edir. Bu vəziyyət sürücülər üçün bu sadəcə narahatlıq yox, həm də ciddi təhlükə mənbəyinə çevrilib. Günün pik saatlarında həmin yoldan həm məktəb avtobusları, həm də minik maşınları keçir. Asfaltın ortasında yaranan bu dərinlik, hər an qəza təhlükəsi yarada bilər.
Hadisə yerinə hələlik heç bir rəsmi qurumun nümayəndəsi gəlməyib. Sakinlər isə öz imkanları ilə təhlükənin qarşısını almağa çalışıblar və dəliyin ətrafına iri daşlar düzüb, keçidə xəbərdarlıq nişanı əvəzi qoymağı cəhd ediblər. Vətəndaşlar asfaltın keyfiyyətsiz olması bir yana, onun alt qatını yuyub aparan suların düzgün tənzimlənməməsinin də vacibliyini bildiriblər.
Sakinlər məsələnini qısa zamanda həll olunmasını və yeni asfalt ilə əvəzlənməsini istəyirlər. 

Fidan