"Range Rover" oğurlayan azərbaycanlı tutuldu

Rusiyada "Range Rover" markalı avtomobili oğurlamaqda şübhəli bilinən 24 yaşlı Azərbaycan vətəndaşı saxlanılıb. Avtosfer.az "report"a istinadən bildirir ki, avtomobil martın 24-də oğurlanıb. Bir müddət sonra maşın Sankt-Peterburqun Bronevaya küçəsində, ev 6-da yerləşən texniki xidmət stansiyası ərazisində aşkar olunub. Polisi hadisə yerinə ərazidə atışmanın olduğu barədə xəbər verən yerli sakinlər çağırıblar. Hadisə yerinə gələn Frunzen rayonu 12-ci polis bölməsinin əməkdaşları şübhəli şəxsləri saxlaya biliblər.

Üç nəfər - 24 yaşlı azərbaycanlı, 27 yaşlı Podporojya sakini və Krasnoe Selodan 24 yaşlı peterburqlu qadın "Nissan Teana" markalı avtomobil ilə hadisə yerindən qaçmağa çalışıblar, lakin buna müyəssər ola bilməyiblər.