Rayon avtovağzallarında bilet qıtlığı - VİDEO

Bayram tətili başa çatdı, dincəlməyə gedənlər qayıdır. Bu da avtovagzallarda canlanmaya səbəb olub. Gəncənin avtovağzalında sıxlıq yaranıb. Tələbat artdığından bilet tapa bilməyənlər də olub. Ancaq bilet alanların işi daha asan olub. Sıxlığın qarşısını almaq üçün  avtovağzal rəhbərliyi xəttə 8-10 əlavə avtobus cəlb edib.

Lənkəran avtovağzalından verilən məlumata görə, bayram günlərində rayona gələn və gedən sərnişinlərin sayı digər günlərdən 2 dəfəyə kimi artıq olub. Avtovağzalda sərnişin sıxlığı yaşandığından xəttə əlavə 6 avtobus çağırılıb.

Avtovağzalda süni qiymət artımına da nəzarət olunur. Əvvəlki günlərdə olduğu kimi bayram günlərində də gediş haqqı 5 manatdır. Rəsmilərin bildirdiyinə görə, avtobusların sayının artırılması da süni qiymət artımınına şərait yaratmayıb. Çünki tələbat qarşılanıb.

Zaqataladan qayıdanlarda tədarüklərini əvvəlcədən gördükləri üçün problemlə rastlaşmayıblar. Avtovağzalda süni qiymət artımına da nəzarət olunur. Əvvəlki günlərdə olduğu kimi bayram günlərində də gediş haqqı 5 manatdır.

Mövzu ilə bağlı videomaterialı təqdim edirik: