Rayon yollarında vəziyyət necədir?

“Bakıdan rayonlara hərəkət edən sərnişin avtobuslarının hərəkətində heç bir problem yoxdur”. Avtosfer.az xəbər verir ki, bu barədə Trend-ə açıqlamasında Bakı Beynəlxalq Avtovağzal Kompleksinin sahə rəisi Məhəmməd Abdullayev deyib. Onun sözlərinə görə, gecə və səhər saatlarında rayonlara hərəkət edən və rayonlardan Bakıya gələn avtobusların qrafikində gecikmə halları olmayıb: “Yollarda o qədər də ciddi problemlər yaranmayıb. Bəzi yerlərdə qar yağsa da, yollar nəqliyyat vasitələrinin hərəkətinə açıqdır və avtobuslar sərnişinləri mənzil başına çatdıra bilib”.