Rayonlara gedən sərnişinlərin işi asanlaşacaq

Hazırda Bakı Beynəlxalq Avtovağzalından Bakıdan bölgələrə yalnız birtərəfli qaydada əvvəlcədən bilet satışı həyata keçirilir. Əks istiqamətə, dönüşə isə əvvəlcədən bilet almaq olmur. Hazırda bu məsələ ilə bağlı iş gedir. Mütəxəssislərimiz çalışır ki, sərnişinlər hər iki istiqamətdə bilet ala bilsin. Düşünürəm ki, bu məsələ də tezliklə öz həllini tapacaq. Bu barədə milli.az-a Nəqliyyat Nazirliyi Dövlət Avtomobil Nəqliyyatı Xidmətinin (DANX) İctimaiyyətlə əlaqələr şöbəsinin müdiri Şəfa Mehmanqızı bildirib. Şöbə müdirinin sözlərinə görə, əgər bu sistem tətbiq olunmağa başlasa, artıq sürücülərə və ya digərinə əlbəəl pul vermək lazım gəlməyəcək: "O zaman biletlərin əldə edilməsi ilə bağlı bəzi neqativ hallar da müəyyən qədər aradan qalxacaq. Hamı hər iki tərəfə bileti əvvəlcədən ya bank kartı ilə hətta telefon vasitəsilə də internet üzərindən, ya da birbaşa kassadan rahat əldə edə biləcək".