Rohinca müsəlmanlarını daşıyan qayıq batıb – 20 ölü

Banqladeş sahillərində Rohinca müsəlmanlarını daşıyan qayıq batıb. Avtosfer.az-ın Trend-ə istinadən məlumatına görə, Banqladeş sahil-mühafizə xidmətinin əməkdaşları azı 20 meyiti sudan çıxarıb. Qayıqdakıların böyük əksəriyyəti qadın və uşaqlar olub. Rohinca müsəlmanları Myanmada davam edən münaqişə ilə əlaqədar Banqladeşə qaçmağa çalışır. Qeyd edək ki, avqustun 25-dən Arakan vilayətində Myanma hərbçilərinin "təhlükəsizlik əməliyyatı" zamanı 2 mindən çox müsəlman qətlə yetirilib, 100 mindən çoxu isə evlərini tərk etməyə məcbur olub.