Rusiya erməni "avtoş" qızı buraxmadı

Rusiyada məhkəmə qalmaqallı "Gelandewagen" işində adı keçən erməni "avtoş" qız Meri Baqdasaryanın hökmünü qüvvədə saxladı. Avtosfer.az-ın istipress-ə istinadən məlumatına görə, Savekovski məhkəməsi xəstəlik kağızını saxtalaşdırmaq ittihamı üzrə hökmü qüvvədə saxlayıb. Bununla yanaşı, onun apellyasiya şikayəti də təmin edilməyib. Baqdasaryan sənədi saxtalaşdırdığı üçün 1 il islah işləri cəzası alıb. Onun əmək haqqının 15 faizi dövlətə veriləcək.  İstintaqın məlumatına görə, erməni "avtoş" yerli poliklinikalardan birindən alınıb. Bu yolla o cəzadan yayınmaq istəyib. Erməni qızın özü məhkəmədə iştirak etməyib. Meri Baqdasaryan Rusiyanın tanınmış "avtoş"larındandır. May ayında Moskva küçələrində "Gelandewagen"lə yürüşə çıxan Rusiyanın "Lukoil" şirkətinin vitse-prezidentinin oğlu Ruslan Şamsuarovun işindən sonra erməni qızın adı daha tez-tez hallanmağa başlayıb. Ruslan Şamsuarovun və onun dostlarının olduğu bahalı maşın Rusiya paytaxtının küçələrində yol polisinə çətin anlar yaşadıb. "Mercedes Gelandewagen" polislərlə küçələrdə "ölüm yarışına" çıxıb. Polis maşınları onların içində olduğu nömrəsiz bahalı maşını qovub. Onlar nömrəsiz maşınla polisdən qaçmağa çalışsalar da, bu alınmayıb. Polis onları qovan və saxlayan zaman gənclər "Periscope" sosial şəbəkədən canlı yayıma çıxıblar. Onlar baş verənləri anbaan çəkərək paylaşıblar. Hətta Ruslan polislər onları saxlayandan sonra da baş verənləri çəkərək paylaşıb.