Rusiya parada nə qədər xərclədi?

Qələbə paradının təşkili üçün Rusiya Federasiyası 295,7 milyon rus rublu (6,7 milyon manat) ödəməli olub. Bu məbləğ ötən il qələbənin 70 illik yubileyi üçün çəkilən xərclərdən 3 dəfə azdır.

Avtosfer.az anspress-ə istinadən bildirir ki, 2015-ci ildə bu rəqəm 810  milyon rubl (18,4 milyon manat) olub. "Qırmızı meydan"da təşkil edilmiş paradda 10 mindən çox hərbi qulluqçu iştirak edib. Həmçinin 135 yeriyən hərbi texnika və 71 hava gəmisi nümayiş olunub. Paradı canlı izləyənlərin sayı yarım milyonu keçib. Hərbi paradın təşkilində zirehli maşın və texnikaların daşınması ən bahalı mərhələdir. Bunun üçün təşkilatçılar 158,7 milyon rubl (3,6 milyon manat) ödəyiblər.

86 milyon rus rublu buludlara sovrulub

9 mayda Moskva üzərində hava buludlu olduğundan, hökumət bunun üçün də xəsislik etməyib. Buludların seyrədilməsinə 86 milyon rubl (1,9 milyon manat) verib.

Rusiya hökumətinin ənənəvi olaraq keçirilən paradın xərclərini azaltmağı rublun zəifləməsi ilə izah edilir. Neftin qiymətindəki qeyri-sabitlik, Rusiyaya qarşı tətbiq olunan sanksiyalar və dolların dəyərinin artması iqtisadiyyata mənfi təsir edir.

Hələ 2016-cı ilin fevralında vəziyyətlə tanış olan iki agentlik məsələnin neftin qiymətinin aşağı düşməsindən yaranan zərərlər üçün büdcəni kompensasiya etmək məqsədilə qaldırıldığını bildirib. Rusiya Maliyyə Nazirliyi bu informasiyanı şərh etməkdən imtina edib. Eyni zamanda, nazirlik bildirib ki, neftin cari qiyməti və dolların bir rubl artımı xəzinəyə 30-40 milyard rubl ziyan gətirəcək.