Rusiyada miqrant həkim və sürücülərin rus dilini bilmədən işə götürülməsinə icazə verilməyəcək

Rusiya Federasiyasının Əmək və Sosial Müdafiə Nazirliyi qanun layihələrinə dəyişiklik edib. Dəyişikliyə əsasən, sürücü, satıcı və tibb işçisi vəzifələrinə cəlb edilən miqrantlar rus dili və Rusiya tarixi bilikləri üzrə imtahan vermək tələbindən azad edilməyəcək. Avtosfer.az Oxu.az-a istinadən xəbər verir ki, bu barədə Rusiyanın əmək və sosial inkişaf nazirinin müavini Andrey Pudov Rusiya Dövlət Dumasının əmək komitəsinin iclasında bildirib. O qeyd edib ki, artıq Rusiya Federasiyasının vətəndaşları ilə qarşılıqlı əlaqə və ünsiyyət qura bilməyən peşə sahibləri üçün işəgötürənlərin müraciətlərini kvotalara daxil etmək mümkün olmayacaq.