Rusiyada vertolyot qəzası - 2 ölü

Rusiyada vertolyotun qəzaya uğraması nəticəsində 2 nəfər ölüb. Avtosfer.az-ın APA-ya istinadən verdiyi məlumata görə, Krasnodarın vilayətinin Beloreçensk rayonunda baş verən qəza nəticəsində ölənlərdən biri pilotdur. Həyatını itirən digər şəxsin heyət üzvü, yoxsa sərnişin olub-olmadığı dəqiqləşdirilir. İkin məlumata görə, “Mi-2” vertolyotu kənd təsərrüfatı sahələrinə dərman səpilməsi ilə məşğul olub.