Rusiyaya alverə gedən azərbaycanlının maşını yandırıldı

Azərbaycandan ticarət etmək üçün Rusiyanın Arxangelsk şəhərinə gedən şəxsin furqon avtomobili yandırılıb. Avtosfer.az “Report”a istinadən xəbər verir ki, hadisə gecə saat 04:00 radələrində şəhərin Lomonosov prospektində, mərkəzi bazar yaxınlığında baş verib. Hadisə yerində aparılan müayinə zamanı məlum olub ki, “Ford Tranzit”in sağ şüşəsi sındırılıb, yanğın salonun ön hissəsində baş verib. Alov yaxınlıqdakı “Nissan Qashqai”yə də keçib. “Ford”a ciddi ziyan dəyib.