Rusların məxfi bombardmançı PUA-nın fotosu internetə düşdü – FOTO

Rusiya aviasiya sənayesinin məxfi layihələrindən biri olan “Altius” pilotsuz təyyarəsinin fotoları internetə düşüb. Avropa.info xəbər verir ki, ekspertlərin rəyinə görə, bu ağır PUA havada 48 saat fasiləsiz uça bilər. “Altius” iki turbovintli motorla  təchiz olunub. 10 min km məsafəyə uça bilən aparatın 15 min metr yüksəkliyə qalxa bildiyi deyilir.

“Altius” zərbə endirən PUA-lar sinfinə daxildir. Əgər aparılan tədqiqatlar baş tutarsa, Rusiya ordusu ilk ağır bombardmançı pilotsuz təyyarəsinə sahib olmuş olacaq. Bu isə öz növbəsində döyüş təyyarələrini əvəz etmək imkanı verəcək.

Hərbi sahə üzrə baş konstruktor Aleksandr Qomzin deyir ki, PUA-nın çəkisi 2 tona çata bilər.